தலைப்பு : டானியின் பசு
ஆசிரியர் : ஃபையானா க்ளாகோலேவா, தமிழில் : சரவணன் பார்த்தசாரதி
பதிப்பகம் : புக் ஃபார் சில்ரன்
விலை : 45/-

பதிவு செய்த நாள்

10 நவ் 2017
13:21

“இந்த உலகத்தில் நிறைய நல்லவர்கள் இருக்கிறார்கள். வெகு சிலர் மட்டும் அப்படியில்லாமல் தீயவர்களாக இருக்கிறார்கள். அவர்களுக்கு தாங்கள் அப்படி இருப்பதுபற்றி கொஞ்சம்கூடக் குற்ற உணர்ச்சி இருப்பதில்லை. அப்படிப்பட்ட ஒரு குடும்பத்தை நம்பி வாழவேண்டிய கொடுமை ஒரு சிறுமிக்கு ஏற்பட்டது. அவளுடைய பெயர் - டானி.” இப்படித்தான் அந்தக் கதை தொடங்குகிறது. தாய் தந்தையை இழந்த டானியை ஒரு குடும்பம் தத்தெடுத்து வளர்க்கிறது.
அந்த வீட்டு எஜமானி எல்லா வேலைகளையும் டானியையே செய்யச் சொல்லி கொடுமைபடுத்துகிறாள். அதனால், மனமுடைந்த போன டானி, அந்த வீட்டின் பசுவைக் கட்டிப்பிடித்து அழுது தன் குறைகளைச் சொல்கிறாள். அந்தப் பசு டானிக்கு என்ன மாதிரியான ஐடியாக்களை கொடுக்கிறது…அதனால் டானி அந்தக் குடும்பத்தில் இருந்து விடுதலை அடைகிறாளா என்பது தான் இந்த கதை.
இதே புத்தகத்தில் இன்னொரு மொழிபெயர்ப்பு கதையும் இருக்கிறது. மானமிகு தொழிலாளி என்கிற அந்தக் கதை தஜகிஸ்தான் நாட்டில் கூறப்படும் நாடோடிக்கதை.
கல்லுடைக்கும் தொழிலாளியாக இருக்கும் ஒருவர் அரசனுக்கு அடிமையாக இருப்பதை இழிவாக எண்ணி, தான் இதுவாக மாற வேண்டும் அதுவாக மாற வேண்டும் என்று நினைக்கிறார். அதுபோலவே அவரும் நினைப்பது மாதிரியெல்லாம் மாறிக்கொண்டே போகிறார்…கடைசியில் அவர் நினைத்தது போல அடிமைத்தனத்தில் இருந்து வெளியே வருகிறாரா என்பதுதான் அந்த நாடோடிக்கதை.



வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய
Login via Noolveli:
New to Noolveli ?
(Press Ctrl+g or click this   to toggle between English and Tamil)