பதிவு செய்த நாள்

07 ஜூன் 2018
16:32

சிறந்த சிறுவர் புத்தகங்களில் சிலவற்றின் பட்டியல் கீழே...

01. சிறுவர் நாடோடிக் கதைகள்
தொகுப்பு: கி.ராஜநாராயணன்
வெளியீடு: அகரம் பதிப்பகம்
காலங்காலமாகச் சொல்லப்பட்டு வந்த பல சுவாரசியமான கதைகளின் தொகுப்பு. சிறுவர்களின் கற்பனை நிறைந்த உலகத்தை மேலும் விசாலமாக்கும் கதைகள்.

02. ஆயிஷா (குறுநாவல்)
இரா.நடராசன்
வெளியீடு: பாரதி புத்தகாலயம்
ஓர் அறிவியல் நூலுக்கு அதன் ஆசிரியை முன்னுரை எழுதுவதாக அமைந்ததே, இந்த நாவல். கல்வியை, அதன் நடைமுறையை, கற்பிக்கும் முறையை, அது குழந்தைகளிடம் ஏற்படுத்தும் பாதிப்பை அழுத்தமாய்ச் சொல்லும் புத்தகம்.

03. குட்டி இளவரசன்
அந்துவான் எக்சுபரி (தமிழில்: வெ.ஸ்ரீராம்)
வெளியீடு: க்ரியா பதிப்பகம்
பிரெஞ்சு மொழியிலிருந்து தமிழாக்கம் செய்யப்பட்ட புத்தகம். விமானம் பழுதடைந்ததால், பாலைவனத்தில் தரையிறங்குகிறார் விமானி. வெப்பம் வாட்டும் சூழலில், விண்மீனிலிருந்து வரும் ஓர் அழகிய சிறுவனோடு கழிக்கும் அற்புதப் பொழுதுகளே கதையாக விவரிக்கப்பட்டுள்ளது.

04. பூக்குட்டி
சுஜாதா
வெளியீடு: விசா பப்ளிகேஷன்ஸ்
சிறுவர்களுக்கு இடையிலான நட்பில் ஏழை, பணக்காரன், சமூக ஏற்றத்தாழ்வுகள் இல்லை என்பதை உணர்த்தும் கதை. ஒரு சிறுமியின் பார்வையிலிருந்து எழுதப்பட்ட இந்த நாவல் பெரியவர்களும் வாசிக்கக்கூடியது.

05. பிஞ்சுகள்
கி.ராஜநாராயணன்
வெளியீடு: அன்னம் பதிப்பகம்
இயற்கை எவ்வளவு முக்கியமானது என்பதை நாம் அறிவோம். சிறுவர்களுக்கு இயற்கை மீதான ஆர்வத்தை ஊட்டும் விதத்தில், குறுநாவலாக எழுதப்பட்டது இந்தப் புத்தகம். இயற்கையை பாதுகாப்பதன் அவசியம், உயிர்களின் மீது ஏற்படும் பரிவு ஆகியவற்றை ஒரு சிறுவனின் பார்வையில் விவரிக்கிறது.
நன்றி : பட்டம் சிறுவர் இதழ்



வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய
Login via Noolveli:
New to Noolveli ?
(Press Ctrl+g or click this   to toggle between English and Tamil)