பதிவு செய்த நாள்

12 ஜூலை 2018
18:50

 


 பின்சாயங்காலத்தில்
தானியங்களுக்கு பதிலாக இறந்த
நீளமான வார்த்தையொன்றை சுமந்து வந்தார் என் தந்தை
திண்ணையில் அதை கவிழ்த்தி இறுக்க
கட்டியணைத்து அமர்ந்துகொண்டார்
நாங்கள் எல்லோரும்
ஒரு பெரிய பேரல் நிறைய மஞ்சள்
கலந்த நீரை ஊற்றி கழுவினோம்
வெற்றிலை பாக்கு சாம்பிராணி ஏற்றி வைத்தோம் அண்டைவீட்டாளனுக்கு கூட கேட்காதபடி நாள் முழுக்க அழுதோம்
அன்றிலிருந்தே ஒரு வார்த்தையை
தேடுவதென்பதெனக்கு சுலபமானதாயில்லை
விளைநிலங்களை வற்ற செய்து பன்னாட்டு சந்தைகளில் விலை கொடுத்து வாங்குகிற
மாதிரியாகிவிட்டது
சில வார்த்தைகள் உயரமான
மலைகளின் உச்சிகளிலும் இன்னும்
சில வகைகள் நடுகடலின் திமிங்கலனுடன்
வாழ்ந்துக்கொண்டிருக்கின்றன
இவைகளையெல்லாம் கவர்வதென்பது
படு தீவிரமான புணர்தலின் போது
வருகிற ஒற்றைதலைவலியை மாதிரி இருக்கிறது.
      -ச.துரை



வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய
Login via Noolveli:
New to Noolveli ?
(Press Ctrl+g or click this   to toggle between English and Tamil)